Plazhi i Durrësit është duke pritur numrin më të madh të pushuesve në këtë periudhë të sezonit turistik. Thuajse gjithë hotelet dhe banesat private janë të tejmbushura, ndërkohë që kjo gjë shihet edhe tek çadrat e plazhit, në të cilat qëndrojnë pushues vendas dhe të huaj. Ky pushues nga Kosova shprehet se plazhi ka ndryshuar shumë gjatë viteve të fundit.
“Plazhi ka ndryshuar shumë , është mirë por ka shumë papastërti, kjo s’na pëlqen”
Një tjetër pushues që vjen po nga Kosova është i të njëjtit mendim.
Ne ishim dhe në Velipojë, por dhe atje s’na pëlqeu shumë, këtu disi me ndryshe
Një emigrante shqiptare që punon prej vitesh në Itali shprehet e befasuar me ndryshimet.
Unë kisha vite pa ardhur në Durrës , sepse jetoj me familjen ne itali, po Durrësi qenka bërë shumë mirë, mrekullia vetë
Një çift pensionistësh nga Maqedonia e Veriut shprehen të kënaqur, por pushimet për ta mbeten të shtrenjta.
Është mirë për ne këtu, por çmimet janë pak të shtrenjta për ne sepse ne jemi pensionistë.
Durrësi pritet të regjistrojë këtë vit një numër rekord turistësh, ku vlen të theksohet se ka pasur shumë të huaj që kanë zgjedhur për të pushuar qytetin-port më të madh në vend. Ajo që nuk ndryshon as këtë vit, është fakti se frekuentuesit më të shumë të plazhit janë shqiptarët e Kosovës dhe Maqedonisë së Veriut./f.stafa
