Inspektorati Kombëtar i Mbrojtjes së Territorit bën të ditur se do të shemben mbi 300 objekte përgjatë aksit rrugor Durrës-Vlorë.
Operacioni përgjatë aksit Durrës-Vlorë pritet të nisë shumë shpejt, ndërsa prishja e mbi 300 objekteve është parashikuar të përfundojë brenda disa ditëve.
Inspektorati Kombëtar i Mbrojtjes së Territorit thekson se objektet që janë parashikuar të shemben, përbëjnë rrezik për qarkullimin rrugor.
“Objektet janë të madhësive dhe funksioneve të ndryshme. Ato ndodhen shumë pranë rrugës automobilistike, duke u konsideruar një rrezik potencial për automjetet që lëvizin në këtë segment. Për shkak të numrit të objekteve dhe gjatësisë së aksit rrugor, parashikohet që puna për prishjen e plotë dhe pastrimin nga inertet të zgjasë disa ditë.”- bën të ditur IKMT.
BW
