Policia e Durrësit ka arrestuar një shtetas 27-vjeçar pasi ka qëlluar veten me armë. Burime nga policia bëjnë me dije se shtetasi i arrestuar është Denis Shahini 27 vjeç, banues në Shijak. Shahini, në lagjen”Kodër”, Shijak, dyshohet se është vetëplagosur me një armë zjarri, tip pistoletë e llojit TT.
Shtetasi i mësipërm ka qenë duke qëndruar i ulur dhe arma, të cilën e kishte në çantën e krahut(marsup)është shkrepur nga pakujdesia. Për pasojë i vetëplagosuri ndodhet në Spitalin Rajonal Durrës jashtë rrezikut për jetën. Nga verifikimet e kryera ka rezultuar se arma e zjarrit ishte pa leje.
Policia sqaron se Shahini është person me preçedentë penalë të mëparshëm në fushën e veprave penale kundër jetës, pronës dhe mosbindje ndaj urdhëri të punonjësit të policisë. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Prodhimi dhe mbajtja pa leje e armëve luftarake dhe e municionit ”
ma.me
