Policia e Durrësit ka sekuestruar 700 kg kanabis në port me destinacion Italinë. Droga u zbulua pas skanimit të kamionit, i cili ishte i ngarkuar me konfesione.
Droga ishte fshehur në kamionin me targa AA 475 LO, me drejtues shtetasin me inicialet L.S.
Mjeti u konsiderua me risk duke e futur në skanim, ku më pas u zbulua edhe lënda narkotike që ishte fshehur në brendësi të ngarkesës.
Fillimisht policia kufitare ka ndaluar drejtuesin e kamionit, por pas dëshmive ai u la i lirë dhe u shpall në kërkim pronari i firmës së konfeksioneve.
Destinacioni i lëndës narkotike ishte tregu italian, ndërsa përpos vijimit të punës për arrestimin e pronarit të firmës së konfesioneve, policia vazhdon punën për zbardhjen e rrjetit të trafikut.
Shqiptarja/d.i.
