Rreth 1 ton Kanabis Sativa janë sekuestruar mbrëmjen e ditës së diel në Portin e Durrësit si dhe janë vënë në pranga 3 persona, gjatë operacionit të koduar “ Poker”.
Droga, e destinuar për në Itali është gjendur brenda një trajleri që transportonte lëndë drusore për zjarr, dhe fshehja e sistemimi i drogës ishte bërë dhe në mënyrë të koduar, ku çdo pako kanabisi mbante dhe një letër bixhozi, që shërbente si kod komunikimi për trafikantët.
3 persona janë arrestuar deri më tani, bëhet fjalë për shtetasit:
Albert Doku, 51 vjeç, Ervin Pëllumbi, 36 vjeç, Gani Bushati, 55 vjec, lindur dhe banues në Bushat – Shkodër.
Më datë 25.10.2015, rreth orës 17:30, në vendin e quajtur vija e dytë në P. K. K. Porti Durrës, gjatë kontrollit të ushtruar në kamionin me targë TR 8201 R dhe trailer me targë TR 1681 T, me drejtues mjeti shtetasin Ervin Pëllumbi dhe pronar shtetasin Albert Doku, është gjetur dhe sekuestruar një sasi lënde narkotike, të llojit cannabis sattiva, e cila ishte fshehur në 10 baleta me dru zjarri, ku pas peshimit të saj rezultoi se pesha totale ishte 983 kg e 845 gram, sëbashku me amballazhin, si dhe është bërë sekuestrimi i kamionit me targë TR 8201 R dhe trailer me targë TR 1681T, 4 aparateve celular dhe një sasie prej 2.150 Euro.
Gjithashtu nga ana jonë po punohet për identifikimin dhe kapjen e personave të tjerë të implikuar në këtë veprimtari kriminale.
