Një 18-vjeçar ka mbetur i plagosur me armë zjarri gjatë orëve të pasdites në Durrës.
Ngjarja ka ndodhur në një lokal të qytetit bregdetar ku u konfliktuan disa të rinj.
Mësohet se 18-vjeçari i plagosur ndërhyri për të shuar sherrin, por u godit me armë nga njëri prej personave që po konfliktoheshin.
Sipas të dhënave, i riu i plagosur, emri i të cilit nuk bëhet ende i ditur, u transportua në spital dhe është jashtë rrezikut për jetën.
Policia ka identifikuar autorin e krimit dhe është vënë në kërkim të tij.