Durrës, mbytet një 59-vjeçar në plazhin e Shkëmbit të Kavajës
Një pushues në zonën e plazhit te Shkëmbi i Kavajës ka humbur jetën në det. Sipas burimeve, viktima është 59 vjeç. Ai quhet Telhad Hasani, shqiptar nga Dibra e Madhe e Maqedinisë dhe dyshohet se ka pësuar një infarkt në zemër.
Pushuesit e tjerë kanë tentuar t’i japin menjëherë ndihmën e shpejtë, por pa mundur t’i shpëtojnë jetën. Trupi i tij është dërguar në morgun qytetit të Durrësit për të bërë autopsinë.
