Kjo dite gjithashtu, përkon me Ditën Botërore Kundër Trafikimit të Personave.
Zëvendesministrja e Punëve të Brendshme/Koordinatorja Kombëtare për Çështje të Luftës kundër Trafikimit të Personave, përshëndeti këtë iniciative, e cila do të implementohet gjatë këtij viti edhe në disa qytete të tjera të vendit.
Gjatë fjalës së saj, Gjebrea u bëri thirrje të gjithë qytetarëve të telefonojnë në nr falas 116 006 për të raportuar çdo rast apo shqetësim në lidhje me trafikimin e personave, ose të raportojnë në aplikacionin “Raporto! Shpeto!” i cili mund të shkarkohet nga Google Play.
Prefekti i Durresit Rolant Xhelilaj, përshëndeti këtë projekt i cili sipas tij është mjaft i nevojshëm në këtë periudhë të vitit në qytetin e Durrësit, pasi fluksi i turistëve në këtë vend, rrit mundesine e zhvendosjes së fëmijëve apo personave të cilët shfrytëzohen për lypje.
Te ftuarit, firmosen gjatë këtij takimi deklaratën simbolike “Thuaj Jo Trafikimit”, e cila tregon mbështetjen e organizmave shtetërore, joshtetërore, organizatave dhe qytetarëve ndaj kësaj nisme.
UN Gift Box do të qëndrojë e hapur deri ne 2 gusht 2016, e do të ofrojë për qytetarët informacione nëpërmjet materialeve ndërgjegjësuese, duke qëndruar brenda një kutie simbolike.
Kutia do të qëndrojë pranë Bashkisë së Durrësit, e asksesueshme nga të gjithë qytetarët në oraret 09.00-12.00 dhe pasdite ne ora 18.00-21.00./ATA/a.m.
