Një ngjarje e rëndë është regjistruar në Durrës, ku një 41-vjeçar ka humbur jetën në spital, pasi ishte dhunuar nga babai i tij. Gjithçka nisi tri ditë më parë në fshatin Gjuricaj, ku Agron Tema është dhunuar me sende të forta nga babai i tij, 70-vjeçari Xhavit Tema.
Tema, ndonëse u dërgua me urgjencë në spital, ai nuk mundi t’i mbijetonte plagëve të marra, ndërsa ndërroi jetën sot në spitalin e Durrësit. I moshuari e ka qëlluar të birin dhe nusen e tij me bastun në kokë si dhe në të gjithë trupin, duke i shkaktuar atij plagë të rënda.
I moshuari u arrestua fill pas ngjarjes për dhunë në familje, ndërsa tashmë do të akuzohet edhe për veprën penale “Vrasje për shkak të marrëdhënieve familjare”. Aktualisht, nusja e viktimës, Jurlinda Tema ndodhet në spital, jashtë rrezikut për jetën.
ma.me
