Një 30-vjeçar është vënë në prangat e policisë së Durrësit pasi ka aksidentuar një të mitur dhe më pas është larguar nga vendi i ngjarjes.
Policia bënë me dije se në pranga ka përfunduar shtetasi me inicialet A. N., 30 vjeç, banues në Durrës, pasi dje në lagjen nr. 7, Durrës, duke drejtuar mjetin tip “Benz”, ka aksidentuar shtetasen e mitur H. Q., 6 vjeçe. Kjo e fundit ndodhet në spital, nën kujdesin e mjekëve, jashtë rrezikut për jetën.
Materialet i kaluan Prokurorisë së Rrethit Gjyqësor Durrës, për veprat penale “Shkelja e rregullave të qarkullimit rrugor” dhe “Largim nga vendi i aksidentit”.
/e.rr
