Inspektorati Kombëtar i Mbrojtjes së Territorit do të prishë sot pasdite, me shpërthim të kontrolluar një pallat 14 katësh në Durrës.
Ky objekt u spostua gjatë tërmetit të nëntorit të kaluar dhe u klasifikua nga ekspertët si i pabanueshëm.
Sikurse bëhet me dije, për realizimin e shpërthimit, janë hapur në trupin e objektit 5 mijë vrima dhe do të përdoren 130 kilogramë lëndë eksplozive.
Vetëm pak ditë më parë, për dobësimin e strukturës së këtij pallati, IKMT kreu shpërthime të brëndshme.
Deri tani vetëm në Durrës, janë prishur rreth 100 objekte të dëmtuara nga tërmeti tragjik i 26 nëntorit të vitit që lamë pas.
g.kosovari
