Mbrëmë ishte paralajmëruar që do të zhvillohej debati midis kandidatëve të Durrësit në emisionin “Top Show” të Alban Dudushit.
Ishte kandidatja e Partisë Demokratike e cila javë më parë tha se kandidati i majtë nuk pranon debat publik dhe pse ajo është e gatshme, ndaj dhe e ftoi atë publikisht për debat.
Pas një jave, kandidati i majtë i ftuar në emisionin e Dudushit e pranoi ftesën për debat dhe u vendos që mbrëmë debati të zhvillohej. Deri në orën 18:00 gjithçka ishte në rregull, por pas orës 18:00, Duma refuzoi debatin. Emisioni vijoi vetëm me Dakon dhe analistët.
Pas kësaj tërheqje, Duma reagoi duke shkruar se sipas saj, ishte Dako ai që do anullonte ardhjen në emision nëse ajo do nxirrte video dhe foto.
Ndërkohë Duma nuk ka bërë të ditur se çfarë videosh e fotosh ajo do të shfaqte, fakt është që dje u tërhoq nga debati.
“Të nderuar miq
Sonte duhej të ishte zhvilluar një debat real midis meje dhe kandidatit tjetër për bashkinë e Durrësit në emisionin Top Shoë.
Por, siç i është shmangur përballjes gjashtë herë të tjera duke i anulluar në momentin e fundit, edhe sot, po në momentet e fundit, kërcënoi që nuk do të vinte në debat nëse ne shfaqnim materialet tona me foto dhe video.
Duke kërkuar po ashtu që pyetjet të ishin të paracaktuara, duke mos pasur më debat por thjesht një koperturë për frikën e Dakos për tu përballur.
Miq të mi, kam përballur debate nga më të ndryshmet politike dhe profesionale, por asnjëherë nuk më është kërkuar kushtëzim dhe censurë. Debati vlen po qe i lirë dhe jo i inskenuar”, shkruan Duma.
