Kandidatja për bashkinë e Durrësit, Grida Duma nisi prezantimin e programit në çdo lagje të qytetit dhe bashkisë së Durrësit. Ajo shpalosi programin në lagjen 18 të qytetit ku u shpreh se brenda 4 viteve qyteti do çlirohet dhe do hapen 15 mijë vende pune, do ulen taksat me 30 % dhe tarifat bashkiake nuk do jenë më shumë se 11 nga 24 që janë sot.
Duma u shpreh se do zerohen faturat e ujit atje ku nuk ka ujë dhe brenda 6 muajve do ketë të paktën 3 herë ujë në ditë. Kandidatja e djathtë u shpreh se do ti jepet zgjidhje përfundimtare kanalizimeve si dhe do të 3 fishohet transporti publik duke futur edhe konceptin e biletës me orë.
“15 mijë vende pune në fund të katër vjeçarit. Çdo familje e bashkisë së Durrësit do ketë së paku një të punësuar. Do të shkojmë nga 24 taksa dhe tarifa që ka tani bashkia, ta çojmë në 11 tarifa. Ne do të kemi menjëherë një çlirim të ekonomisë së vogël dhe të mesme. Kam një detyrim moral për të vendosur drejtësi. ”, tha Duma.
Kandidatja tha më tej se më 21 Qershor, qyteti do të çlirohet nga ankthi. Një premtim ishte edhe rehabilitimi i lagjes së ish të përdjekurve politikë.
“Kjo është një lagje e banuar nga përgjithësisht ish të persekutuar që gjithastu janë konsideruar të persekutuar edhe nga bashkia. Por kanë ideale dhe kanë arritur të mbrojnë që aty të mos u ndërtohej gjë me beton. Kur shkova aty më thanë; zonja Grida, e kemi ruajtur se e dinim që dikush do e bënte për ne”, u shpreh Duma.
