Kreu i Partisë Bashkimi për të Drejtat e Njeriut, Vangjel Dule në ceremoninë e përvitshme pranë varrezave greke në fshatin Boboshticës të Korçës, thotë se marrëdhëniet midis shqiptarëve dhe grekëve janë në nivelet më të larta, por problemi sipas tij është kryeministri Edi Rama.
“Duhet të jemi të qetë dhe krenarë për marrëdhëniet që kemi ngritur në boshtin e tyre mes 2 popujve. Janë marrëdhënie në nivelin më të lartë.
Nëse ka një problem midis vendit tonë dhe Greqisë fatkeqësisht ai është vetëm kryeministri i vendit Edi Rama i cili nuk i shërben axhendes tradicionale të marrëdhënieve midis dy vendeve por kërkon të imponoje një axhendë që është ne diskonkordance të plotë me ndjenjat dhe dëshirat e popullit shqiptar.
I shërben vetëm agjendës personale dhe ambicies se zotit Rama. Kur popujt kane gjetur zgjidhjen, nuk ka lidership qe mund te dalin mbi te. Është një parantezë e zotit Rama me hijet e tij. Kalimtare do të jetë”, tha Dule.
I pyetur për akuzat ndaj ish-ministrit të Brendshëm, Saimir Tahiri, Dule u shprehet se ato janë vetëm maja e ajsbergut.
“Jemi duke parë vetëm majën e ajsbergut. Kanabizimi i vendit qe e denonconim edhe me disa kolege te tjerë është përtej asaj qe edhe ne mendonim se mund te ishte. Me sa duket ishte një projekt kultivimi masiv dhe intensiv dhe kjo nuk mund te behet me përgjegjësinë e një ministri.
Kjo ka përgjegjës kryesor politik moral vete kryeministrin Rama i cili ka vene ne rrezik jo vetëm imazhin ndërkombëtar të vendit por edhe shoqërinë familjen e individin. E vetmja rruge mbetet karthasisi i plote i te gjitha sferave dhe vetëm ai mund ta çlirojë vendin”, tha Dule.
