Kryetari i Partisë Bashkimi për të Drejtat e Njeriut Vangjel Dule komentoi kalimin e tij në opozitë dhe arsyet që çuan në largimin e tij nga koalicioni qeverisës.
Dule deklaroi në studion e Top Story se “ftohja” e tij me kryeministrin Rama nisi që në procesin zgjedhor të vitit 2013, kur sipas tij socialistët tentuan t’i marrin mandatin e deputetit PBDNJ-së.
Dule thotë se me votat e PBDNJ në Ksamil u bënë pazare politike.
“Rama nuk ju përmbajt marrëveshjes me PBDNJ. Qëndrimi ynë nuk u vlëresua asnjëherë nga PS, sapo ndjehu pozita superiore filloi dëbimin e PBDNJ. Në qendr9n e numërimit në Ksamil, u bënë përjekje për të hequr mandatin tim si deputet.”, deklaroi Dule.
Ai shkoi edhe më tej kur tha se Rama ka pasur qëllime dashakeqe në koalicion edhe ndaj LSI-së.
“Lojën që bëri me ne Rama kishte dëshirë shumë më të madhe ta bënte me LSI, por u trembej numrave”.
Referuar përplasjeve me Greqinë, Dule e quajti Ramën ‘nacionalist të shtirur’. Dule tha më teh se për herë të parë një qeveri nuk ka ministër minoritar pas vitit 1990.
“Rama, kozmopolit dhe nacionalisht i shtirur. Hera e parë pas 1990 që në qeveri nuk ka një përfaqesues të minoritetit grek. E bëri Rama”, deklaroi Dule.
Dule foli edhe në lidhje me çështjen çame. Ai tha se mund të ketë vetëm probleme pronësore të cilat duhet të zgjidhen nga drejtësia.
“S’ka çështje çame. Nëse ka ndonjë problem pronësor, ka vetëm një rrugë, është rruga e Drejtësise”, tha Dule.
Ai tha më tej se “akuzat ndaj Metës per vizitën në Athinë, inskenime të Ramës”.
/a.m.
