Kreu i Partisë Bashkimi i të Drejtave të Njeriut, Vangjel Dule, ka dhënë dorëheqjen nga posti i kreut të nënkryetarit të Kuvendit të Republikës së Shqipërisë.
Dule mbante postin e nënkryetarit që prej shtatorit të vitit 2013. Shkak për dorëheqjen e tij bëhet zgjedhja e Shpëtim Idrizit në postin e Nënkryetarit të tretë.
Idrizi u zgjodh me 73 vota PRO dhe një votë ABSTENIM, ndërkohë që “Java News” e kishte paralajmëruar largimin e Dules nga mazhoranca që prej momentit që Zv/Ministri Jani Babi u deklarua si kandidat për Bashkinë Finiq.
Në një letër shpërndarë për publikun, Dule shprehet se shkak është bërë shndërrimi i institucioneve në “plaçkë” këmbimi.
