Pentagoni shpenzoi 22 milionë dollarë për të studiuar UFO-t në një program për vitet 2007-2012, ekzistenca e të cilit është konfirmuar nga Departamenti i Mbrojtjes.
Programi sekret, i cili Departamenti Amerikan i Mbrojtjes po mban nën mbikëqyrje, është nxjerrë në dritë në raportet e njëpasnjëshme nga Politico dhe New York Times të shtunën, duke cituar intervista me njerëz të përfshirë ose me njohuri të programit, si dhe kontratat dhe të dhënat e Pentagonit dhe Kongresit.
“Programi i Identifikimit të Kërcënimit të Avancuar të Aviacionit” u drejtua nga ish-zyrtari i inteligjencës ushtarake Luiz Elizondo, i cili dha dorëheqjen nga Pentagoni më 4 tetor.
Në letrën e tij të dorëheqjes sekretarit të Mbrojtjes James Mattis, të parë nga Politico dhe NYT, ai ankohej për mungesën e fondeve për projektin dhe faktin se ai vazhdon të mbulohet në mister, larg syrit publik.
Zëdhënësi i Pentagonit Dana White, i cituar nga Politico, konfirmoi se programi ekzistonte deri në vitin 2012, kur u përfundua për shkak se “ka pasur çështje të tjera me prioritet më të lartë që meritonin fonde“, tha ajo.
Megjithatë, Elizondo tha se edhe pa financimin e saj bujarë, programi ishte ende gjallë, duke u treguar New York Times se ai ishte duke punuar me zyrtarët e CIA-s dhe Navy mbi çështjen deri në dorëheqjen e tij. Pas largimit nga Pentagoni, Elizondo tha se ai la një pasardhës që të vazhdonte të drejtonte programin, por nuk zbuloi emrin e tij.
Hulumtimi në kuadër të programit, i cili fillimisht nisi me urdhrin e Harry Reid, udhëheqësi i shumicës së Senatit në vitin 2007, u krye nga kontraktori privat Bigelow Aerospace, një kompani në pronësi të mikut të ngushtë të Reid dhe besimtar i vendosur për jetën jashtëtokësore, miliarderi Robert Bigelow. Kompania dhe nënkontraktorët e saj do të ruanin pjesët e dyshuara të rrënojave të UFO-ve në ndërtesa të posaçme, të mbledhin dëshmitë e dëshmitarëve dhe të studiojnë ata që pretendonin se kishin hasur objektet për të zbuluar ndryshimet e mundshme fiziologjike.
a.ç
