Duke kerkuar votat e deputeteve per paketen “Anti-shpifje” qe sic tha edhe kryeministri Rama do te votohet sot ne seance, kreu i grupit parlamentar te PS-se, Taulant Balla ka perseritur edhe njehere se gjithcka ne ligj eshte dakordesuar me OSBE.
Sipas Balles, duhet te marre fund shpifja dhe botimi i lajmeve qe cenojne dinjitetin e njerezve vetem mbi baze fjalesh dhe asnje fakti. Ai ka kujtuar rastin e videos ne Youtube, te nje femije qe kendon per Enver Hoxhen, e qe eshte thene se eshte Balla femije qe i kendon diktatorit.
“Hyni në Youtube, klikoni me emrin tim, video e parë që ju del është ajo me një djalë të vogël, që këndon një këngë për Enver Hoxhën. Janë 500 mijë shqiptarë e të huaj që e kanë parë, e ka vënë ai robi atje, kënduar nga Taulant Balla për Enver Hoxhën. Ok, ti e quan reklamë. Po c’kusur kam unë ti them tim biri që pyet, o ba pse ke kënduar këngë për diktatorin. Unë nuk do ankohem te këshilli i ankesave që edhe pse mirë do ishte që kushdo që konstaton një fake news ta bënte, unë i besoj rrugës së gjykatës dhe nuk po dal keq nga fondet e mbledhura nga gjykata, Basha është dënuar me gjobë 500 mijë lekë nuk është pak, shkon në buxhet, nuk merret nga fituesi, të tjerë janë rrugës për të paguar se fondi do pasurohet”, tha Balla.
Balla, u shpreh në seancë plenare se me ligjin antishpifje i cili kalon sot, nuk synohet mbyllja e portaleve. Ndërsa sqaroi rastet se si do të procedohet, Balla solli në vëmendje ligjin e miratuar në Bundestagun gjerman.
“Nuk mbyllen portale me vendim të qeverisë. Ka vetëm një moment kur vendoset bllokimi i përkohshëm i aksesit kur konfirmohet se publikon pornografi, terrorizëm apo cënon sigurinë kombëtare, vetëm këto raste dhe në këto raste shkon në gjykatë. I kam ndjekur me vëmendje gjithë diskutimin në parlamentin gjerman. Dua t’ju them kam sjellë disa prej paragrafëve të atij ligji që u hoqën në ligjin tonë, për ta lehtësuar. Ligji gjerman thotë, rrjetet sociale ku përfshihen ofruesit e shërbimit on line duhet forcuar për të hequr cdo lloj gjuhe shpifje. dhe kanë me detyrim të rovojnë me dokumente. duhet të shqyrtohet ankesa brenda 7 ditëve dhe ti bllokohet aksesi gjobat shkojnë deri në 50 mijë euro. Rama e tha nuk është një ligj që do rregullojë historinë e shpifjeve në këtë vend“, tha Balla.
g.kosovari
