Dukagjin, vijon operacioni antikanabis, asgjësohen 6127 rrënjë
Policia e Shtetit ka njoftuar se operacioni antikanabis në Dukagjin të Shkodrës ka vijuar të shtunën dhe të dielën.
Gjatë këtij operacioni janë evidentuar dhe shkatërruar 55 parcela me 6127 bimë narkotike të hapura rishtas në zona të thella e të pyllëzuara të territorit të Dukagjinit, në vendin e quajtur Abat, Cilkok, Nënmavriq, Çamë dhe Pepaj.
Bimët janë asgjesuar në vend me anë të djegies. Policia njofton se po vijon puna në bashkëpunim edhe me Prokurorinë e Rrethit Shkodër për evidentimin dhe kapjen e autorëve. Operacioni do të vijojë në territoret e tjera të njësive administrative Pult, Temal etj.
