Armand Duka ka zyrtarizuar kandidaturën për postin e kreut të federatës Shqiptare të Futbollit.
Presidenti aktual i FSHF kërkon një mandat të 5-të në krye të futbollit shqiptar.
Ai u zgjodh për herë të parë në krye të Federatës për në vitin 2002. Ndërkohë, ende nuk kemi zyrtarizim të ndonjë kandidati tjetër edhe pse flitet se deputeti i PS Bashkim Fino pritet të kandidojë përballë Dukës sipas raportimeve të ndryshme.
Statusi i Armando Dukës:
Ndihem jo vetëm i detyruar por mbi te gjtha i vlerësuar dhe i respektuar që një pjesë e konsiderueshme e komunitetit të futbollit dhe anëtarëve të Federatës Shqiptare të Furbollit ka kërkuar rikandidimin tim në rolin e presidentit të ketij insistucioni.
Pas konsultave me faktorë te rendesishëm dhe grupe interesi që përfaqësojnë te gjjtha kategoritë, moshat dhe gjinitë vendosa të rikandidoj i bindur se te gjthë bashkë përfshirë dhe ju që nuk keni të drejtë vote mund të vazhdojmë se bashku një rrugë e cila në mënyrë të pashmangshme na ka dërguar te progresi.
Masivizimi i futbollit, fëmijët, të rinjtë, femrat, rezultatet e skuadrës Kombëtare me objektivin madhor për kualifikimin në EURO 2020 dhe Kupën e Botës 2022, arritjet e klubeve në arenën ndërkombëtare, politikat e futbollit dhe e ardhmja e garantuar më japin besim se sërish do vendosim për një futboll shqiptar gjjthnjë e më të mirë. Që nga ky moment jam në dispozicion te të gjjthë anëtarëve te Asamblesë Zgjedhore.
Me respekt Armand Duka
/a.m.
