I ftuar mbrëmë në emisionin “Fol me mua, fol me ata” të gazetarit Enkel Demit në TVSH, Duka tha se u tërhoq nga ky propozim për shkak të presioneve të brendshme.
“Unë nuk e di që të ketë vendosur Berisha për kandidimin tim. Është e vërtetë ajo që thua ti se unë kam pasur një premtim nga Basha madje në fillim hezitova se duke parë të kaluarën time, e ndjeja të vështirë që të kandidoja në Durrës.
Megjithatë duke parë një reagim pozitiv nga njerëzit atje, qofshin të PD-së, apo të partive të tjera politike, më rrejti mendje dhe i thashë Bashës “po”.
Më vonë pati një farë refleksioni. Nuk besoj vetëm nga Berisha. Unë mendoj ndoshta edhe nga njerëzit afër Bashës, afër PD-së, duke e konsideruar që edhe nëse fitohet “Agron Duka nuk është tamam i PD-së”.
Besoj se ai u gjend përballë një presioni të tillë, nuk i rezistoi dhe më kërkoi që të mbështesja një kandidaturë të PD-së. Në fillim i thashë OK, unë do rri indiferent dhe më pas unë e mbështeta kandidaturën e PD-së”, tha Duka.
ma.me
