Vetëm pak orë pasi Serbia dërgoj një kërkesë në FIFA, ku kërkonte të dënoheshin dy futbollistët e Zvicrës, Granit Xhaka e Xherdan Shaqiri, ka ardhur dhe reagimi i Presidentit të Federatës Shqiptarë të Futbollit, Armand Duka.
Reagimi i presidentit te FSHF:
Futbolli është një lojë që ka emocione të forta dhe të bukura. Në çdo ndeshje të Botërorit shikon mënyra të ndryshme të festimit të golave.
Edhe Xhaka e Shaqiri festuan në mënyrën e tyre golat e shënuar. Simboli i Shqiponjës nuk është aspak një simbol i ndaluar në asnjë vend të Botës.
Nuk është simbol lufte, urrejtjeje dhe diskriminimi. Kërkesa për investigim në FIFA për mënyrën e festimit të Xhakës dhe Shaqirit është, sa qesharake aq edhe primitive.
/b.d
