Kryetari i Partisë Demokratike ka vijuar edhe sot takimet me aleatet ku në qendër të bisedës ishin zgjedhjet e lira dhe qeveria teknike. Zoti Basha u takua sot me Kryetarin e Partisë Agrare Agron Duka. Pas takimit zoti Duka u shpreh për interesimin e mediave dhe bëri me dije se biseda ishte fokusuar dhe tek ideja e krijimit të një qeverie teknike.
Z Duka, çfarë diskutuat me z Basha?
Dihet që folëm për problemet e ditës. Problemet që kemi në politikë si problem i zgjedhjeve të lira të të ndershme, problem për një qeveri teknike. Natyrisht që jemi në kohezion, në të njëjtin mendim si PD ashtu edhe opozita.
Si mund të arrihet një qeveri teknike?
Nuk po e shpjegoj unë këtë pasi e ka thënë vetë z Basha. E kanë thënë edhe anëtarë të tjerë të opozitës. Duke qenë se ka pakënaqësi në rritje popullore qoftë edhe për shkaqe ekonomike, quke qenë se ka një mosbesim për zgjedhje të lira dhe të ndershme, mendohet që nese nuk shkohet me qeveri teknike atëhere do të jetë e vështirë që vota të jetë e lirë dhe që njerëzit të kenë besim që vota që ata hedhin të shkojë aty ku duhet. Kështu që nëse bëhet një qeveri teknike, natyrisht me përfshirjen e të gjithë forcave politike qoftë edhe me PS-në, mendohet dhe kështu është realiteti që ka më tepër mundësi që të ketë zgjedhje të lira e të ndershme.
Kur thoni për PS-në, thoni për disa deputetë të saj apo për PS…
Jo, mendoj të arrihet një marrëveshje institucionale me të gjitha partitë politike, përfshi këtu edhe Partinë Socialiste. Këtu nuk bëhet fjalë për trafik deputetësh. Nëse jo, atëherë padyshim do të vazhdojnë rrugët normale që mund të bëjë një opozitë siç janë ato mitingjeve, pakënaqësisë popullore. Kjo shkon me të njëjtën kohë edhe me situatën e rëndë ekonomike. Unë kam levizur shumë kohët e fundit në fshatrat e Shqipërisë për ristrukturimin e Partisë Agrare ambientaliste dhe kam parë që gjendja e fshatit është shumë e dobët.
Shumicën e premtimeve që janë bërë në fushatë nuk janë mbajtur. Kështu që duke pasur parasysh gjendje ekonomike dhe atë që synohet nga të gjithë që të ketë liri, sepse edhe Reforma në drejtësi për atë u bë, sepse nëse nuk ka votë të lirë nuk ka drejtësi. Mendoj që me një reagim popullor mund të arrihet të shkohet në zgjedhje me qeveri teknike.
I keni diskutuar sot edhe idenë protestave?
Natyrisht që po.
/BW/a.m.
