Presidenti i Federatës së Futbollit të Kosovës, Armand Duka, ka kritikuar lojtarët me mënyrën se si luajtën ndaj Izraelit, teksa foli edhe për dy kartonët e kuq që mori Shqipëria në humbjen 0:3 nga Izraeli.
“Ishte një ndeshje e dobët, e cila duhet harruar. Luajtëm keq dhe rezultati e tregon këtë më së miri.
Mendoj se duhet të bëjmë analizat tona, stafi teknik dhe i gjithë ekipi duhet të analizojmë çfarë ndodhi. Mund të themi se ishte i ekzagjeruar kartoni i parë i kuq”, tha Duka.
“Ka momente që mund të humbësh nervat në një ndeshje dhe kjo i ndodhi edhe Berishës që e lanë nervat dhe bëri atë veprim”, shtoi ai, citohet ”Express”. (b.an)