Kryetari i Grupit Parlamentar të PS, Taulant Balla nga Kuvendi i Shqipërisë reagoi pas pretendimeve të opozitës, ndërsa theksoi se mazhoranca nuk ka shkrirë Komisionin e Integrimit.
Ai ftoi opozitën që të bashkohen në çështjen e integrimit.
“Punë të mbarë në këtë legjislaturë historike, që do të donin të gjithë, majtas, djathtas që të përmbyllej me anëtarësimin e Shqipërisë në BE. Sot është një ditë e bukur, ndërsa Shqipëria e hapjen e 4 kapitujve të tjerë, shkon drejt një hapi tjetër. Me angazhimin e kësaj shumice dhe kësaj pakice, shpresoj që t’i mbyllim kapitujt brenda krishtlindjeve të 2027. Të gjithë së bashku, të majtë dhe të djathtë, dhe ti Dritan, se i ke harruar ca gjera, të shkojmë në Parlamentet Europiane. Kjo maxhorancë do të propozoj në Kuvend edhe çështje të tjera, përfshi dhe reformën zgjedhore që duhet ta nisim menjëherë. Nëse ecim drejt këtij ritmi do të jemi gati që të çojmë në 2029-2034 eurodeputetë e rinj. Ky nuk është propozim i ri, por është depozituar i plotë në formë dhe përmbajtje dhe që ka të bëjë me organizimin e Kuvendit, sipas nevojës që ka sot Kuvendi.
Nuk mund të vazhdonim në 2025 me një ndarje komisionesh që në një sektor të caktuar risillte një emërtesë që ishte nga 1988-ta. Kjo maxhorancë, ky kryeministër, janë votuar nga populli shqiptar në zgjedhjet e 11 majit, për të jetësuar vizionin tonë, Shqipëria anëtarë ne vitin 2030. Opozita ka rolin e vetë të pacënueshëm. Si kemi marrë asnjë komision opozitës, por i kemi shtuar më shumë fusha. I kemi propozuar fusha jetike opozitës. Është jetike që opozita të vijë në kuvend dhe të drejtojë komisionin për Arsimin, Shëndetësinë, apo dhe atë të Drejtave të Njeriut. (Ndërhyn Ina Zhupa: E kemi pasur). Se keni pasur mi zemër. Nuk kemi shkrirë komisionin e integrimit. Kemi çuar Komisionin për Punët e jashtme atje. Punët e Europës duam ti bëjmë bashkë me ju. Nëse doni që të jeni pjesë e kësaj, bujrum, votoni ndryshimet.2, tha ai.
