Ministrja e Shëndetësisë dhe Mbrojtjes Sociale, Ogerta Manastirliu në një lidhje direkte në News 24 tha se nuk do të merret me akuzat e opozitës pasi tani është e rëndësishme që të jemi të bashkuar në luftën kundër koronavirusit.
“Është një kohë për të qenë solidar dhe të bashkuar. Është një luftë që do të nevojitet bashkëpunimi i të gjithëve nëse duam që ta fitojmë. Kjo është një kohë për të qëndruar të ndarë dhe do të vijë shumë shpejt një kohë kur do të përqafohemi sërish”, u përgjigj Manastirliu.
Manastirliu u bëri thirrje qytetarëve që të respektojnë masat e marra, duke shtuar se edhe prindërit e saj janë në shtëpi.
“Prindërit e mi janë të izoluar në shtëpi, ju lutem bëjeni dhe ju!” ka bërë thirrje Manastirliu.
/a.r
