Theodore Liang, është një fëmijë britanik 8 vjeç, i cili duhet të futet me patjetër në botën e personazheve të famshëm, në sajë të shtysës së nënës dhe të babait të cilët shpenzojnë 15 mijë sterlina ose rreth 17 mijë euro në vit, për të financuar linjën e tij të modës, me synimin që t’i japin popullaritet.
Siç shkruan ‘Mirror’, Theodore nuk kishte nisur as të ecte kur prindërit e regjistruan në kurse kërcimi, teatri dhe recitimi duke shpenzuar 1300 euro në muaj.
Në Woolwich, në juglindje të Londrës, ku jeton bashkë me familje, prindërit e tij Steffan dhe Hayley e mbështesin dhe i japin shtysë edhe aktualisht që të formohet sa më mirë si aktor dhe balerin, por edhe në linjën e tij të modës.
Gjatë fundjavës, kur nuk i duhet të shkojë në shkollë, studion për gjëra të tjera nën shtysën e së ëmës.
Linja e tij e modës do të lançohet në fillim të vitit 2017, ndërsa fëmija jo vetëm që i zbaton rekomandimet e prindërve, por është edhe më i ngarkuar për moshën që ka, ku gjithçka i është kthyer në normalitet.
Ndërkohë nëna e tij deklaron se çdo e ardhur e tyre i dedikohet vetëm aktivitetit të djalit, duke treguar se Theodore ndihmohet edhe nga gjyshërit./noa/a.k
