Në kuadër të një aktiviteti në Bruksel me temë: “Shqipëria dhe perspektiva e saj europiane”, raportuesi për Shqipërinë Knut Flackenstein dhe eurodeputetja Monika Makovei janë ndalur edhe te situata politike.
Teksa ata i bëjnë thirrje vendeve anëtare që të çelin negociatat për Shqipërinë, Fleckenstein tha gjatë fjalës së tij se është i informuar për ngjarjet e fundit.
Ai ndau shqetësimin për deklaratat e presidentit Ilir Meta dhe i ftoi palët politike që t’i marrin seriozisht.
Eurodeputeti ka shtuar se BE-së nuk i takon të ndërhyjë në politikën e brandshme të Shqipërisë.
“Kam lexuar që Presidenti është i shqetësuar për situatën dhe se ajo mund të dalë jashtë kontrollit. Ne duhet ta marrim këtë seriozisht edhe pse ne nuk na takon që të ndërhyjmë në politikën e brendshme të Shqipërisë”, tha Fleckenstein.
/a.r
