Torturat e supozuara dhe ndalimeve të paligjshme të kryera nga forcat ruse në rajonin ukrainas të Khersonit kanë dalë në dritë, pasi hetuesit e krimeve të luftës të Kievit thonë se më shumë se një mijë qytetarë u rrëmbyen gjatë pushtimit nga Moska.
Një banore i përshkroi prokurorëve se i kishin futur duart me forcë në ujë të vluar, thonjtë e saj ia kishin tërhequr dhe e kishin goditur në fytyrë derisa nuk njihej.
Metodat e tjera të torturës nga ushtarët rus kanë përfshirë goditje elektrike në organet gjenitale dhe pjesë të tjera të trupit, rrahje dhe forma të ndryshme mbytjeje, sipas të dhënave të mbledhura nga forcat e rendit.
Të burgosurit u mbajtën gjithashtu në qeli të mbipopulluara pa kanalizime ose ushqim ose ujë të mjaftueshëm për një periudhë të gjatë deri në dy muaj, thanë disa nga njerëzit.
Foto nga brenda këtyre qelive dhe dhomave të torturës u shfaqen për të konfirmuar këto rrëfime.
Dhjetëra viktima të këtyre torturave kanë folur me anëtarët e zbatimit të ligjit ukrainas dhe prokurorët ndërkombëtarë që ndihmojnë Ukrainën.
Oksana Minenko, 44-vjeçare, që jeton në qytetin ukrainas të Khersonit, tha se ajo ishte arrestuar dhe torturuar vazhdimisht nga forcat pushtuese ruse.
Burri i saj, një ushtar ukrainas, vdiq duke mbrojtur urën Antonivskyi të Khersonit në ditën e parë të luftës, tha ajo.
Gjatë marrjes në pyetje, forcat ruse i zhytën duart në ujë të valë, i shkulën thonjtë dhe e rrahën në fytyrë me kondakët e pushkëve aq keq sa kishte nevojë për operacione plastike, sipas Minenko.
“Një dhimbje u shndërrua në një tjetër,” tha Minenko, duke folur ndërsa ishte në një qendër të ndihmes humanitare në fillim të dhjetorit me shenja të dukshme rreth syve të saj nga ajo që ajo tha se ishte një operacion për të rregulluar fytyrën.
“Unë isha një kufomë e gjallë.”
Agjencia e lajmeve Reuters tha se nuk mund të vërtetonte në mënyrë të pavarur historitë të treguara nga Minenko dhe banorë të tjerë të Khersonit, por ato përshtaten me atë që autoritetet ukrainase dhe specialistët ndërkombëtarë të të drejtave të njeriut kanë thënë për kushtet dhe trajtimin gjatë ndalimit.
Janë raportuar rrëfime të të burgosurve të, që i nënshtrohen rrahjeve dhe goditjeve elektrike dhe lëndimeve, duke përfshirë mavijosje të rënda dhe thyerje të kockave, nuditet të detyruar dhe forma të tjera të dhunës seksuale.
Tortura “u bë në mënyrë sistematike, rraskapitëse” për të marrë informacion rreth ushtrisë ukrainase dhe bashkëpunëtorëve të dyshuar ose për të ndëshkuar ata që kritikojnë pushtimin rus, sipas Andriy Kovalenko, kryeprokurori i krimeve të luftës në rajonin Kherson.
Kremlini dhe ministria e mbrojtjes e Rusisë nuk iu përgjigjën pyetjeve të Reuters, duke përfshirë torturat e supozuara dhe ndalimet e paligjshme.
Moska, e cila ka thënë se po kryen një “operacion special ushtarak” në Ukrainë, ka mohuar kryerjen e krimeve të luftës ose shënjestrimin e civilëve, pavarësisht provave të shumta që sugjerojnë të kundërtën.
Autoritetet e vendit kanë hapur hetime paragjyqësore që përfshijnë më shumë se një mijë njerëz në rajonin Kherson, të cilët dyshohet se janë rrëmbyer dhe ilegalisht janë arrestuar nga forcat ruse gjatë pushtimit të tyre prej muajsh.
/e.d
