Binjaket Anna dhe Lucy DeCinque bëjnë gjithçka së bashku. Ata kanë lindur së bashku, jetojnë së bashku dhe madje takohen me të njëjtin burrë së bashku.
Për nëntë vitet e fundit, motrat australiane kanë qenë në një marrëdhënie trepalëshe me partnerin e tyre (dhe së fundmi, të fejuarin), Ben Byrne. Ndërsa tani, dyshja kanë vendosur që duan të mbeten shtatzënë në të njëjtën kohë dhe të dyja duan që Ben të jetë babai.
Duke ndarë historinë e tyre me serinë “Extreme Sisters” të TLC, Anna dhe Lucy thanë se kanë vendosur që të provonin të mbeteshin shtatzënë në të njëjtën kohë.
Të njohur prej kohësh si ‘binjaket më identike’ në botë për shkak të ngjashmërisë së madhe kjo si pasojë edhe e kirurgjisë estetike, Anna dhe Lucy kanë shpenzuar mbi 250,000 dollarë për një sërë procedurash për të qenë sa më shumë të ngjashme me njëra-tjetrën.
Por tani, ata po e kthejnë të gjithë vëmendjen e tyre drejt një qëllimi të ri – të bëhen prindër me Benin në të njëjtën kohë.
Motrat kanë thënë gjithashtu se të dyja po ndjekin saktësisht të njëjtën dietë, për të qenë të sigurta që të dyja të përjetojnë shtatzëninë në të njëjtën kohë.
Bërja e gjithçkaje së bashku ka qenë e rëndësishme për binjaket që kur ishin të vogla. Anna ka thënë më parë për New York Post se ata nuk ndahen as për të përdorur banjën.
“Kur ajo shkon në tualet, unë vij me të, kur ajo bën dush, unë vij me të”, tha ajo.
/a.r
