Sipas gazetës kineze Global Times, aktori i njohur ka thënë se është krenar që është kinez dhe shprehte mbështetjen absolute për partinë në pushtet, e drejtuar nga Xi Jinping.
“Mund ta shoh madhështinë e PPK-së dhe ajo do t’i mbajë fjalët që i thotë dhe që i premton për më pak se 100 vite, por vetëm për pak dekada. Dua të bëhem anëtar i Partisë Popullore Kineze”, ka thënë Jackie Chan.
Aktori ka qënë pjesë e shfaqjes teatrale “Rrugëtimi Epik”, e mbajtur për nder të festës së 100 vjetorit. Gjatë shfaqjes, Jackie Chan ka kënduar këngën “Mbrojeni Lumin e Verdhë”, e cila është shkruar në 1939, gjatë luftës së Kinës me Japoninë.
Kjo nuk është hera e parë që Jackie Chan zgjon zemërimin e njerëzve me deklaratat e tij mbi regjimin absolut të vendosur në Kinë.
Në vitin 2008 ai ka zgjuar zemërimin e njerëzve pas mbeshtetjes që I ka bërë politikës censuruese të vendosur në Kinë dhe kontrollit të rreptë ndaj medias së lirë.
“Nuk jam i sigurt nëse është mirë të kesh liri. Jam vërtet i hutuar tani. Nëse je shumë i lirë, je si Hong Kongu tani. Është shumë kaotik. Tajvani është gjithashtu kaotik”, kishte deklaruar ai në vitin 2008./m.j
