Në Rimini të Italisë, nisi këtë të mërkurë procesi gjyqësor nga shqiptarit Klajdi Mjeshtri, i akuzuar për vrasjen e zjarrfikësit 34-vjeçar italian, Giuseppe Tucci, ngjarje e ndodhur më 12 Qershor të vitit që lamë pas.
Seanca nisi me momente të forta tensioni, kur babi i viktimës u përball me 29-vjeçarin shqiptar. Për të qetësuar situatën u desh ndërhyrja e policisë. Babai i Tuccit, Claudio Tucci hyri në sallë të gjyqit duke kërkuar që të shihte në sy shqiptarin.
Pas betejës mes mjekëve ligjor të të dyja palëve, gjatë ditë së sotme gjykata pranoi kërkesën për gjykim të shkurtuar ndaj shqiptarit, i cili në këtë mënyrë do të përfitojë ulje të dënimin me 1/3. Po ashtu, gjyqtari caktoi datën 20 Mars për të përcaktuar një mjek ligjor që do të analizojë rezultatet e autopsisë mbi trupin e zjarrfikësit.
Një motiv banal u bë shkak për përplasjen që i kushtoi jetën 34-vjeçarit Tucci. Mjeshtri, i cili punonte si roje në një diskotekë të Riminit, e dhunoi atë barbarisht jashtë ambienteve të lokalit me pretendimin se i kishte ngacmuar të dashurën. Zjarrfikësi vdiq pas disa ditësh në agoni./m.j
