Dua Lipa ka fituar çmimin e parë në ceremoninë e sivjetme të Brit Awards. Çmimi i parë që u nda në këtë eveniment muzikor ishte çmimi për Këngëtaren më të mirë britanike dhe atë e fitoi këngëtarja shqiptare.
Në fjalimin e saj, ajo i ka falënderuar fansat e saj dhe menaxherët që kanë besuar te ajo, ekipin e saj, miqtë dhe familjet.
Për këtë çmim, 22-vjeçarja ishte në konkurrencë me Paloma Faith, Kate Tempest, Jessie Ware dhe Laura Marling. Dua konkurron edhe në katër kategori të tjera, ndërsa ishte bërë femra e parë që nominohej në pesë kategori.
Albumi britanik i vitit, shpërthimi britanik, Kënga më e mirë britanike e vitit dhe videoklipi më i mirë britanik i vitit – janë kategoritë tjera ku shpresojmë që të fitojë këngëtarja shqiptare.
