Reshjet e shumta të shiut kanë sjellë përmbytje në disa zona të vendit. Më e vështirë situata paraqitet në qarqet e Vlorës dhe Fierit si pasojë e daljes nga shtrati të lumit Vjosa. Edhe pse jo në përmasat e vitit 2015, shumë banesa, biznese dhe qindra hektarë tokë janë nën ujë në Fier e Vlorë.
Ndëkorhë, probleme janë hasur edhe me furnizmin me ujë të pijshëm. Drejtoria e Shëndetit Publik në Fier ka kryer analizat e ujit nga ku rezulton se ka ndodje mbi normat.
Raportohet se shkak i ndotjes ëhstë bërë përmbytja në stacionin e pompave të ujit në zonën e Kafarajt. Sipas DSHP Fier, qytetarët duhet të tregohen të kujdesshëm deri në rregullimin e problemit. DSHP do të japë një njoftim të dytë deri kur uji që vjen në çezma të jetë brenda standarteve./a.m.
