Vala e dronëve misteriozë mbi qiejt e Europës përfshin edhe Francën. Ushtria franceze konfirmoi se kishte pikasur disa dronë të panjohur në hapësirën ajrore pranë bazës së Mormelonit në verilindje të vendit natën e të hënës.
Ashtu si në vende të tjerë të NATO-s, dronët nuk kanë shkaktuar asnjë dëm. Nuk dihet nëse ato kanë lidhje me Rusinë, por në këtë bazë janë kryer më parë trajnime të ushtarëve ukrainas. Autoritetet franceze po hetojnë për origjinën dhe motivin e fluturimit të jashtëligjshëm mbi zona ushtarake.
Në Danimarkë, fluturimi i dronëve misteriozë i nisur natën e të mërkurës mbi Aalborg duket se ka vazhduar deri natën e të enjtes, kur banorët vendas pikasën dhe filmuan këto pamje. Prania e tyre vijon të mbetet mister.
Aeroporti i Alborgut pezulloi për pak orë punën, për herë të dytë brenda dy ditëve. Fluturime dronësh edhe në Kopenhagen e qytete të tjerë, pranë aeroporteve apo zonave ushtarake. Anëtarët e qeverisë daneze thanë të enjten se nuk kishin asnjë provë se mjetet fluturuese ishin ruse, por shprehën bindjen se bëhej fjalë për një sulm hibrid dhe se autorët që u vlerësuan si profesionistë kishin për qëllim të dukeshin.
Fluturimi i një vale dronësh çoi në pezullimin e përkohshëm të fluturimeve në Kopenhagen dhe Oslo në nisje të kësaj jave.
Kryeministrja daneze Mette Frederiksen tha se do të kërkojë ndihmën e NATO-s për krijimin e një muri anti-dron. Rusia ka mohuar çdo përfshirje në këto raste. Frika nga provokimet nga Moska është rritur ndjeshëm që pasi mbi 20 dronë ushtarakë të dyshuar rusë hynë nga Ukraina në Poloni në shkelje të hapësirës ajrore më 9 shtator, duke rrezikuar shpërthimin e një lufte NATO – Rusi.
Po munden edhe te jene drone nga Ukraina dhe faji ti jepet Rusis pse edhe Zelenski nuk esht i besueshem dote bej gjcka pr ta perfshir NATON ne lufte por deri tani ndodhe indirekt tani eshte kush dote bej nji gabim dhe Rusia zhduket por edhe Evropes i vihet zjari.