Janë sekuestruar 16 kg lëndë narkotike të llojit kanabis në një automjet në Himarë, ndërsa në pranga është vënë poseduesi i saj.
Sipas policisë, në pranga ka përfunduar shtetasi me iniciale A. A., 29 vjeç, banues në fshatin Vokopolë, Berat, në sajë të operacionit të koduar “Vunoi”.
Fillimisht është pikasur makina e dyshimtë dhe pas ndjekjes nga Shërbimet e Komisariatit të Policisë Himarë, në bashkëpunim me forcat e FNSH-së Fier, bazuar edhe në informacione të marra në rrugë operative, janë vënë në ndjekje të një automjeti të dyshimtë në aksin rrugorë Himarë-Dhërmi, të cilin e kanë ndaluar në kthesën e Jalit.
Nga kontrolli i ushtruar në automjet, është gjetur në bagazh një sasi lënde narkotike prej 16 kg e dyshuar si Cannabis Sativa.
Materialet në ngarkim të këtij shtetasi iu referuan Prokurorisë për veprën penale “Prodhimi dhe shitja e narkotikëve”.
/a.r
