Një 24-vjeçar nga Tirana është vënë në prangat e policisë së Fierit, pasi u kap në tentativë për të futur lëndë narkotike në burgun e këtij qyteti. Kështu, uniformat blu kanë arrestuar Aldorjan Loci, banues në Tiranë.
“Arrestimi i këtij shtetasi u bë pasi në I.E.V.P Fier, gjatë kontrollit të ushtruar i’u gjet dhe i’u sekuestrua në cilësinë e provës materiale 0.20 gr lëndë narkotike e dyshuar Cannabis Sativa” bën të ditur policia, cituar nga Gsh.al.
Materialet i kaluan Prokurorisë pranë Gjykatës së Shkallës së Parë Fier për veprat penale “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionet e ekzekutimit të vendimeve me burgim”. (b.an)
