Mesa duket epoka e kriminalizimit të kanabisit po shkon drejt fundit. Sepse ashtu si në të gjitha vendet e përparuara perëndimore, edhe në Shqipëri duket se do të nisë të aplikohet një politikë më tolerante ndaj përdoruesve të kanabisit. Që nuk do të thotë se do të jetë e tillë për prodhuesit dhe tregëtuesit e kësaj droge.
Dënimi me burg i përdoruesve të kanabisit si prodhues dhe shpërndarës pritet të marrë fund me propozimet e reja në Kodin Penal. Prej kohësh të varurit nga kjo lëndë narkotike e kanë cilësuar të padrejtë faktin se ata kur kapen me sasi të vogla të hashashit dënohen njësoj si trafikantët.
Burime pranë grupi të ekspertëve ligjorë që po përgatisin propozimin për ndryshimet e Kodit Penal treguan për Televizionin shqiptar se sasia për përdorim vetjak është përcaktuar deri në 3 gram.
