Droga nga Shqipëria, Greqia ndryshon ligjin: Kush kapet burgoset për jetë
Kush kapet me drogë, vlera e së cilës kalon 75 mijë euro, do të dënohet me burgim të përjetshëm në Greqi. Ky është ndryshimi i Kodit të ri Penal në shtetin helen, i cili vendosi që të ashpërsonte dënimin për të gjithë trafikantët e drogës. Në bazë të këtij ndryshimi, burgimi i përjetshëm do të jepet pavarësisht llojit të drogës dhe numrit të të arrestuarve.
Gjykata e Lartë e Greqisë mori këtë vendim pas rritjes së numrit të të arrestuarve për trafik droge nga Shqipëria drejt shtetit të tyre.
Disa kohë më parë, mediet greke përmendin rastet e trafikut të drogës nga ajri Shqipëri-Itali, për të cilat shkruanin se autoritetet greke duhet të marrin masa para se këta avionë me drogë të fluturojnë mbi kokat e tyre.
Ndryshimi i Kodit Penal u iniciua së fundmi nga arrestimi i dy shtetasve shqiptarë që u kapën me më shumë se 3 kilogramë kokainë, vlera e së cilës kapte shifrat e 85 mijë eurove.
