Në portin e madh holandez ndërmjetësit më dinakë përqendrohen mbi shërbimin e klanit të mafias italiane, shkruan e përditshmja italiane ‘Corriere Della Sera’.
Jemi në Roterdam, një qytet që jeton afër njërit prej porteve më të mëdha të Evropës. Mund të arrish me autobus që kalon zonat gri të godinave, jo shumë ndryshe nga ato të periferisë italiane. Porti i Roterdamit është një nga qendrat më të rëndësishme për ndarjen e kokainës, heroinës dhe armëve.
Nga këtu transportohen mallra të ligjshëm dhe të paligjshëm në të gjithë koninentin e vjetër. Këtu përqëndrohen bizneset e ndërmjetësve më dinakë në shërbim të klanit të mafias italiane. Pse? Sepse për sasi të mëdha është e vështirë të bësh kontrolle cilësore dhe pasi ekziston një sistem korrupsioni mes punonjësve të portit që po bëhet gjithnjë e më shumë më i përhapur.
David Ellero, shef i seksionit për lufën kundër krimit të organizuar në Europol thotë se në volumin e madh të mallrave që kalojnë në port, ka një sasi të madhe të mallrave të paligjshëm.
Sakaq shefi i policisë holandeze Wilbërt Paulissen shprehet se është e pamundur të kontrollosh gjithçka por ka sisteme të kolauduara dhe në një farë mënyre kanë arritur rezultate të mira pasi vetëm vitin e kaluar janë sekuestruar 15/16 tonë drogë.
“Kontenierët nga Evropa janë më pak të kontrolluar pasi vëmendja më e madhe u kushtohet kontenierëve nga Amerika e Jugut, dhe mafia përfiton”, shton Paulissen i cili gjithashtu konfirmon të dhënat mbi korrupsionin. “E dimë që ka korrupsion në port dhe në përmasa të mëdha në krahasim me vitet e kaluara” thotë ai.
Ndërkohë prokurori italian i antimafias Federico Cafiero thotë se i jepet më shumë peshë fitimit sesa kontrollit të një aksioni konkret antimafia.
“Në portin e Roterdamit ka sistem të avancuara kontrolli, por sidoqoftë shihen më shumë rezultatet ekonomike dhe në veçanti dëmet që mund të vijnë nga ndalimi i një kontenier. Ndalimi i 1000 konteniervë do të shkaktonte vonesa dhe do krijonte probleme nga pikëpamja e përfitimit”,- thotë Cafiero.
“Kemi nje serë problemesh”- thote Koen Vaskuil, duke shtuar se mallrat drejt portit të Roterdamit nisen me lehtësi e kriminelët janë të bindur se dërgesat e tyre mund të kalojnë pa probleme të mëdha.
“Kjo është arsyeja se pse mallrat ilegale janë gjithnjë e në rritje. Ka ndodhur që në një kontainer të vetëm të sekuestrohen rreth 1000 tonë kokainë”- nenvizon ai.
Duke u ndalur te personat e perfshire ne kete rrjet trafiku, media italiane numeron, turq, shqiptarë, serbë, si dhe persona me origjinë nga Karaibet apo Antillet.
“Prania e krimit të organizuar italian nuk perceptohet për shkak të aleancës së tyre me grupet shqitpare, të cilët kryejnë punët e pista të italianëve. Ky fakt është zbuluar nga policia hollandeze”- shkruan gazeta italiane.
Autori i librit “Maffia Paradjis”, Koen Vaskuil shkruan per arrestimin e disa shqiptareve ne kete port. Kur u zbuluan, u vu re se ata kishin pasaporta falso italiane dhe nga kjo u zbulua lidhja e tyre me mafian italiane.
Hetimet vërtetuan se trafikantët e drogës qe njihet si Ndragheta punonte përmes portit të Roterdamit. Mes tyre doli nje emer, ai i ndërmjetësit Vincenzo Roccisano i cili së bashku me një femër në Hollandë trafikonin rregullisht 150 kg kokainë.
Wilbert Paulissen, shefi i policisë hollandeze pranon ekzistencen e mafias italiane dhe punen qe ajo ben aty.
“Mafia Italiane është dhe punon në këtë port, por punon me sasi të vogla droge, e që këtu më pas bëhet shpërndarja për në Evorpë”- thotë ai.
