Pas përfundimit të fazës së parë të operacionit “Bregdeti ynë” për prishjen e objekteve pa leje në zonën ranore, nga Inspektorati Kombëtar i Mbrojtjes së Territorit po vijon aksioni i dytë.
Zv/Kryeinspektori, Guri Seferi, thotë për Klan News se deri në fund të Dhjetorit janë planifikuar të prishen 267 objekte pa leje.
Deri më tani janë rrafshuar 30 objekte, por në disa raste pronarët kanë kundërshtuar aksionin e IKMT-së.
Seferi shprehet se aksioni kombëtar i IKMT-së ka ndikuar që në territor aktualisht të mos ketë asnjë ndërtim pa leje në proces.
Në fazën e parë të aksionit kombëtar u prishën 137 objekte pa leje, proces që u mbyll pas përfundimit të sezonit turistik.
/a.r
