Incident i rëndë ka ndodhur në Kretë të Greqisë, ku të burgosurit i vunë flakën qelive në shenjë revolte pse kërkesa e tyre për transferim në ambiente të tjera brenda godinës u refuzua nga drejtuesit.
Katër të burgosur ishin protagonistë të ngjarjes, në Agia Chania, teksa pati dhe të dëmtuar që u trajtuan nga rojet e burgut dhe administrata e institucionit.
Këta janë katër të burgosur vendas, të cilët, sipas drejtorit të Institucionit, Charalambos Kiomourtzis, në orën 21:00 të së premtes kërkuan të transferoheshin në një krah tjetër, për shkak të problemeve dhe fërkimeve që kishin me të burgosurit e tjerë në të njëjtën rreze qelish.
Meqenëse ishte koha për numërimin e të burgosurve, rojet përgjegjëse të burgut u thanë atyre se do ta shqyrtonin kërkesën pas numërimit, sipas “Protothema”.
Më pas, katër të burgosurit, në reagim dhe ndërsa ndodheshin brenda qelisë, i vunë flakën njërit prej dyshekëve dhe tymi krijoi një atmosferë mbytëse. Katër oficerë burgu hapën qelinë, i nxorën të burgosurit jashtë dhe arritën ta shuanin zjarrin me fikëse zjarri.
Katër të burgosurit u transportuan me ambulancë EKAB në Spitalin e Hanias, ku morën shërbime mjekësore dhe sot u kthyen në burg.
Tre oficerë burgu që shuan zjarrin u transportuan gjithashtu në spital për shkak të thithjes së tymit, nga ku u liruan pas disa orësh. Një brigadë zjarrfikëse mbërriti në Qendrën e Paraburgimit të Burgut, por nuk pati nevojë të ndërhynte.
Përveç procedurave penale, do të vijojnë edhe procedurat disiplinore për të burgosurit zjarrvënës. Mobilizimi i menjëhershëm i gardianëve parandaloi humbjen e jetëve, si dhe përhapjen e zjarrit në qeli të tjera, ku kishte edhe të burgosur.
