Drejtori i FBI-së, James Comey, ka thënë sot se nuk ka prova që përkrahin pohimet e presidentit të SHBA-së, Donald Trump, se ish presidenti Barack Obama i kishte përgjuar telefonat e tij gjatë fushatës zgjedhore të 2016-s.
Para se Comey të fillonte dhënien e dëshmive para Komitetit të Inteligjencës së Dhomës së Përfaqësuesve, kryetari republikan i këtij komiteti, Devin Nunes, tha se ka mundësi që mënyra tjera të përgjuese shin përdorur kundër Trump, transmeton Express.
“Me gjithë respektin për statuset e presidentit në Twitter për përgjimet e dyshuara telefonike ndaj tij nga administrata e kaluar, nuk kam informata që i përkrahin këto statuse. Brenda FBI-së kemi shikuar me kujdes. Departamenti i Drejtësisë më ka kërkuar mua që ta ndaj me ju se përgjigja është e njëjtë për Departamentin e Drejtësisë dhe të gjitha komponentët e saj: Departamenti nuk ka informata që i përkrahin ato statuse, ” ka thënë Comey/a.ç
