Arnis Hoxha, Drejtor i Tansporteve, në një intervistë për javanews tregon se si brenda 6 muajsh arriti të përmbysë një realitet 20 vjeçar që kishte të bëntë me marrjen e patentave, problem që ishte kthyer gangrenë për qytetarët. Sipas tij, situata ishte katastrofike. “Vlen të përmendim që për herë të parë nga krijimi i kësaj drejtorie, që nga muaji janar i vitit 2018, pajisja e qytetarëve me leje qarkullimi si dhe certifikate pronësie behet direk në sportel në momentin e aplikimit. Kjo zgjat vetem 20 minuta, gjë që më parë duheshin orë të tëra ose dhe ditë”, thekson Hoxha.
Ju se fundmi arritet t’i jepni zgjidhje një problemi shumë të rëndësishëm që ka të bëjë me patentat. Si ishte situata që ju gjetët?
Situata ishte tepër kritike. Ishim tre muaj mbrapa me prodhimin e patentave. Sot që flasim jemi vetëm tre ditë mbrapa. Pra është prodhuar dhe patenta e datës 20 korrik.
Ku konsistojnë përmirësimet që ju bëtë dhe cila është cilësia e këtyre ndryshimeve?
Përmirësimet janë rrënjësore. Gjithëshka ka ndryshuar, si nga ambjentet ashtu dhe nga cilësia e shërbimit. Drejtoria ishte nje mankth për qytetarët, nga të gjitha anët dëgjoje që atje shkon dhe nuk mbaron punë dhe sot ndihem i lumtur kur dëgjoj dhe lexoj përshtypjet e qytetarëve që gjithshka ka ndryshuar dhe kjo për një periudhë gjashtë mujore. Vlen të përmendim që për herë të parë nga krijimi i kësaj drejtorie, që nga muaji janar i vitit 2018, pajisja e qytetarëve me leje qarkullimi si dhe certifikate pronësie behet direk në sportel në momentin e aplikimit. Kjo zgjat vetem 20 minuta, gjë që më parë duheshin orë të tëra ose dhe ditë. Sot çdo punonjës ka detyrën e tij të mirëpercaktuar dhe mban përgjegjësi për shërbimin që ofron, çdo detyrë funksionale është sipas arsimimit që ka përfunduar. Ajo që nuk u bë për 20 vite u bë për 6 muaj.
Ka pasur disa komente nga ish kryeministri Berisha lidhur me ndryshimin e situatës. Si do i vlerësonit këto komente?
Të jem i sinqerte pas komenteve të z. Berisha, më shumë se për askënd tjeter ndjeva përgjegjësinë morale që të beja publike diplomat që unë zoteroj për të gjithë ata qytetarë të cilët vijnë e marin shërbim pranë institucionit që unë drejtoj, sepse kam kontakt çdo ditë me ta dhe nuk do më vinte mirë që të shihesha me shikim mosbesues, edhe pse z. Berisha e ka treguar gjithmonë që hedh vetem shashka qe nuk plasin. Megjithate i bej ftese Z Berisha të vijë pranë ambjenteve te Drejtorisë siç kanë ardhur shumë deputetë të PD dhe jane mahnitur, për të parë gjithshka në realitet dhe pse jo të bëj ndonjë sygjerim të denjë në mbyllje të karrieres së tij, drejt pensionit. Komentet e vetme qe vleresoj janë ata të qytetarëve. Kam marrë përsipër të bëj detyrën që më është ngarkuar dhe do ta bëj me korrektësi, ndershmëri dhe përkushtim.
Bisedoi A. M/ javanews.al
