Policia Rrugore e Korçës ka qenë e pranishme 24 orë në 7 ditët e javës në të gjitha akset rrugore të qarkut gjatë muajit gusht kur edhe flukset turistike kanë qenë të larta.
Si rezultat i kontrolleve dhe monitorimit Policia ka arrestuar 20 shtetas që drejtonin automjetet në gjendje të dehur dhe pa lejedrejtimi si dhe ka proceduar penalisht 6 shoferë.
Me qëllim parandalimin e aksidenteve, rritjen e parametrave të sigurisë në rrugë dhe lehtësimin e qarkullimit gjatë sezonit turistik, Policia Rrugore ka vijuar monitorimin e akseve rrugore në të gjithë qarkun, me qëllim konstatimin dhe ndëshkimin e shkeljeve të Kodit Rrugor.
Gjatë muajit gusht 2023, janë ndëshkuar administrativisht, në total, 4133 drejtues mjetesh: 15 drejtues janë ndëshkuar për përdorim të celularit gjatë drejtimit të automjetit;
893 drejtues mjetesh janë ndëshkuar për parakalime të gabura; 94 drejtues automjetesh janë ndëshkuar për mosvendosje të rripit të sigurimit; 21 drejtues motomjetesh janë ndëshkuar për mosvendosje të kaskës mbrojtëse; 1310 drejtues janë ndëshkuar për shpejtësi tej normave të lejuara.
/a.r
