Vrasja e dy vajzave adoleshente nga Pittsburgh në Shtetet e Bashkuara të Amerikës është zbardhur pas 46 vitesh. Kjo ngjarje kriminale kishte mbetur e pazbuluar që prej vitit 1973. Ditën e hënë autoritetet arrestuan një 80-vjeçar nga Nju Jorku si autor të përdhunimit dhe vrasjes së dy vajzave. 19-vjeçarja Janice Pietropola dhe Lynn Seethaler u gjetën të vdekur më 30 qershor 1973, në Virxhinia ku ata kishin qenë me pushime. Ata u gjetën në banesat pranë detit.
Megjithëse autoritetet e konsideronin atë si një vrasje, rasti u regjistrua si i pazgjidhur, pasi hetimi i plotë nuk funksionoi. Vjeshtën e kaluar, autoritetet në Virxhinia filluan një kërkim të ri pasi gjetën një provë “të fortë” për rastin. Të hënën, ata arrestuan autorin e dyshuar në Nju Jork dhe e akuzuan për vrasje dhe përdhunim. Familjarët thonë se rasti i ka rihapur plagë të thella.
