Pasi ambasadori Donald Lu nuk arriti të bindë palët politike për të gjetur konsensusin për reformën në drejtësi, një zyrtar i niveleve të larta pritet të vizitojë Shqipërinë me mision të posaçëm këtë çështje.
Burime të News 24 bëjnë me dije se zyrtari i lartë mund të jetë Zëvendës ndihmës sekretarja amerikane, Viktoria Nuland, por nuk përjashtojnë edhe një më të lartë se ajo.
Shtetet e Bashkuara te Amerikës kanë investuar shume për realizimin e reformës ne drejtësi, ndërsa duket se edhe vizita e zyrtarit të lartë amerikan, duket se ka per qellim finalizimin e saj.
Zyrtari i lartë thuhet se mbërrin në Tiranë, pak dite para votimit te draftit ne Parlament dhe do t’i drejtohet me nje mesazh klasës politike, per rëndësinë e reformimit te sistemit te drejtësisë.
Kujtojmë se Zëvendës ndihmës sekretarja, do te ndalet fillimisht ne Shkup, per te përcjelle mesazhin e saj lidhur me krizën politike, qe ka përfshirë Maqedoninë, çka lë të nënkuptohet se ka përfshirë ne axhenden e saj edhe Shqipërinë./a.m.