Kryetari i Kuvendit, Ilir Meta, vlerëson se arritja e një konsensusi mes pozitës dhe opozitës për Reformën në Drejtësi është tërësisht i mundur. Këtë vlerësim Meta mësohet se e ka bërë gjatë takimit që zhvilloi me ambasadorin e SHBA-së, Doanld Lu dhe atë të BE-së, Romana Vlahutin. Gjatë këtij takimi kryeparlamentari ka vlerësuar se rekomandimet e bëra nga Komisioni i Venecias për Reformën në Drejtësi, ka siguruar tashmë shtratin për arritjen e konsensusit. Ai ka siguruar të dy ambasadorët se ndryshimet kushtetuese do të kenë mbështje maksimale dhe se përmbyllja e reformës është krejt e mundur duke u bazuar tek rekomandimet e Komisionit të Venecias. Meta ka shprehur vlerësim edhe për punën e madhe të kryer nga ekspertët që kanë hartuar draftin e reformës në Drejtësi.
Drejtësia/ Meta: Konsensusi është krejt i mundur
