Kuvendi ka miratuart vetëm me votat e mazhorancës p/ligjin për zgjedhjen në organet e drejtësisë. Me 87 vota pro mazhoranca ka kaluar një tjetër ligj shumë të rëndësishëm që kompleton reformën në drejtësi. Opozita ka bojkotuar votimin, duke ndjekur të njëjtën strategji si me ligjet e mëparshme, duke sfiduar rishtazi SHBA dhe BE, të cilat kishin certifikuar projektligjin në fjalë. I pranishëm gjatë seancës për miratimin e këtij projektligji ishte edhe ambasadori amerikan në Tiranë, Donald Lu.
Përpara miratimit të këtij ligji ka pasur debate mes kryetarit dhe nënkryetarit të komisionit të posacëm të Reformës në Drejtësi, Fatmir Xhafaj dhe Oert Bylykbashi. Deputeti i PD kërkoi që të shtyhet votimi i këtij ligj pasi, sipas tij, amendamentet janë paraqitur në kundërshtim me rregulloren e Kuvendit.
“Në pamundësi për ti shqyrtuar duhet të shtyhet votimi. Duhet të shprehert komisioni për Reformën në Drejtësi. Kërkojmë që amendamentet të shqyrtohen sipas rregullores”, deklaroi Bylykbashi.
Por i menjëhershëm ka qenë reagimi i Xhafajt. Sipas tij, nuk ka asnjë arësye që të shtyjet votimi pasi ai u shty një herë për ti dhënë mundësi opozitës për ta bërë këtë shqyrtim.
Bylykbashit i është kërkuar nga ne dhe ndërkombëtarët që të marrë pjesë. Por ai ka refuzuar ndonëse vetë e kishte kërkuar këtë. Amendamentet janë paraqitur, por ata nuk kanë ardhur. Nuk janë 104 amendamente. Këtë kërkesë Bylykbashi duhej ta bëntë më parë në mbledhjen e kryetarëve të gruperve parlamentare që të mblidhej komisioni i reformës. Rregullorja nuk flet për shtytje të votimit. Këto amendamente janë të certifikuara nga Brukseli”, deklaroi Xhafaj.
ma.me
