Lojtari i përfaqësueses të Gjermanisë, Jualian Draxler, ka deklaruar haptas se dëshiron të largohet nga Wolfsburgu pas vetëm një sezoni me këtë klub.
Anësori 22-vjeçar kaloi te Wolfsburgu nga Schalke verën e shkuar duke refuzuar Juventusin e Arsenalin. Por, tani ai thotë se është i gatshëm të largohet.
“Kam folur haptas pas Euro 2016, me trajnerin Dieter Hecking, që dua të largohem nga Wolfsburgu. Trajneri e di këtë që tre javë”, ka thënë ai për “Bild”.
“Dy ditë pas humbjes në gjysmëfinale të Europianit nga Franca, i thash se dua të largohem. Isha i siguruar në gushtin e shkuar se mund të largohem nga Wolfsburgu kur të më jepet rasti, nga trajneri dhe drejtori Klaus Allofs.
Ishte diskutim i qartë se do të doja të kaloja në një top klub ndërkombëtar nëse vjen rasti”, ka shtuar ai. Draxler ka kontratë me Wolfsburgun deri më 2020, citohet Koha. (b.an)